قـعدنا برانا في ضل الزمن

قعدنا برانا فى ضل الزمن
مرة نرسم بسمة لى وطنا صبح
ضاحك نسى الصرة
نلون لوحة الامل الفرايحية
بابعاد فيها كل وجديد ومزدهرة
...نعانق فى نهار بكرة نمنى
نفسنا بى بكرة وصباح بكرة
البفرهد فى ضلام اليوم ويستشرى
************************
قعدنا برانا فى ضل الزمن مرة
نلعن فى ضنى الهجرة وليل
الغربة الغربة عن وطنا صبح ذكرى
ونبالغ فى اجترار الماضى والذكرى
ونتفاءل.. تفاؤل فى تصورنا وصباح بكره
نشوف اطفالنا ترجع للدروس تانى
بذهن نضيف وهدأة بال
وتنسى الماضى والذكرى
وتتعلم من الواقع تحافظ
كيف على الحلم الصبح
واقع واشعل جزوة الفكرة
************************
قعدنا برانا فى ضل الزمن مرة
وحجيتنى بكان يا ما كان
ملك مغرور ومتكبر
حرق زرع البلد عنوة
وكسر سبورة الاستاذ
وقام بكسر اقلامنا
وقام بوأد احلامنا
بكل طغيان وكل جبرة
قاصد يطمث الاجيال
ويمحى عقولم الحرة
**************************
قعدنا برانا فى ضل الزمن مرة
وحجيتنى بكان يا ما كان
وطن مهموم ومتصدع
يقاسى هموم يعانى ضياع
مفتتة كل اوصالو
مجوعة كل اطفالو
وينهش فى حشا التاريخ
عشان يفضل وطن واحد
عشان يفضل ترابو عزيز
لى غير الله ما راكع وما ساجد

قعدنا برانا فى ضل الزمن مرة
وحجيتنى بكان يا ما كان
وطن مهموم ومتصدع
يقاسى هموم يعانى ضياع
مفتتة كل اوصالو
مجوعة كل اطفالو
وينهش فى حشا التاريخ
عشان يفضل وطن واحد
عشان يفضل ترابو عزيز
لى غير الله ما راكع وما ساجد

الإنفصال أصبح أمرا واقعا
النخبة الحاكمة الغافلة
فرضت على الأكثرية الخيار المر
وهي تعيش احلام اليقظة
ووعود الغرب الزائفة

يجب أن لا نتباكى فأمامنا
أن نرسم السودان الحديث
بدلا من أن يفرض علينا
قرنق وسلفاكير وعرمان
السودان الجديد !!