من غناء الحقيبه

ياجوهر صدر المحافل
روحي معاك أتلطفيله
ماالنورالفي حليه رافل
في حُق نهده قلوبنا قافل
كالظبي الفي مقيله غافل
تاره يميل والتانيه جافل
وجه ينور والبدر آفل
فوق للبدر يزيد نفيله
ليك جوزعين نعسان وكاحل
وخصره يميل وصديره راحل
لي وجدي اللي جسمي ناحل
بحر الشوق ماليه ساحل
بيني وبين النوم مراحل
وين للطيف أنا القى حيله
الفرع البـــتنى راتل
طيره ينوح في غصونه حاتل
بهوى نسيم لفكري شاتل
كالأسد الفي القيد يناتل
يتأكد مـــاليه قاتل
غير مكحـــول ظبي النتيله

اولا الاخ (السعيد) اتمنى ان لا تحمل غلاء بين خفايا القلب اني استسمحكل عزرا ولك العتبه حتى ترضى وكل عام وانت بالف خير

الاخ احمد الزبير منور يا سيدي الله اديم طلاتك علينا



قابلك في زمن ماشي
وزمن جاي و زمن لسه
اشوف الماضي فيك باكر
اريت باكر يكون هسه

و قصر طول مشاويرنا
ورقش بالفرح جلسة
على النيل والقمر
مرات يبين في الموج ويدسه
ونحن نقابلو
زي طفلين كلامم كلو بالهمسة
وزي عصفورة قلبها دابو
حنة وبالولف حسّ

اي عيون بتتاقبل
الا عنيك ما بتتفات
في عنيك بتوه
كيفن حلاوة البسمة في القاسيات
وعطر الصندل المستني
يفرح بيك فرحتو جات
وحاتك خلي منو شوية
عشان يتكاحلن منو السمحات

بلاك النجمة لا بتتعلا
لا بتتدلاّ فوقه هلال
عليك الريده طلي علينا
يالختينا فيك آمال
تجينا فرح ترفرفي فوقنا
نستناك بالموال
والشوق بيني وبينك انتي
زي ما تقول مطر اهطال