+2
نور العين
ربيع الدنيا
6 مشترك
ســائــقــة الــتــاكــسـي
ربيع الدنيا- مراقب
عدد المساهمات : 490
نقاط : 15554
تاريخ التسجيل : 10/09/2010
- مساهمة رقم 1
ســائــقــة الــتــاكــسـي
واتتني الفكرة لكتابة هذه القصة من بعض ملاحظاتي التي تجمعت لدي في رأسي فاحببت ان اتناولها بشكل قصصي حتى تكون خفيفة ومحببة للقارئ .. حقيقية منذ ايام الدراسة تعودت على كتابة القصص القصيرة في دفاتري ولم اسمح لأحد بالاطلاع عليها .. قد يكون ذلك خوفا من النقد وان لا تلاقي القبول عند الاخرين ... ولكني الان اؤمن بضرورة النقد من اجل تطوير النفس والاستفادة من الاخطاء في جديد يأتي في حياتنا .. لذلك ارجو ان تمنحوني اراءكم البناءة حتى اتعلم ....
ربيع الدنيا- مراقب
عدد المساهمات : 490
نقاط : 15554
تاريخ التسجيل : 10/09/2010
- مساهمة رقم 2
رد: ســائــقــة الــتــاكــسـي
يابت ياسعاد اصحي يابتي ده شنو النوم ده ؟ فتتململ سعاد تحت غطاءها وتجيب بصوت يغلب عليه النعاس : ياامي اقوم اعمل شنو خليني في نومي ده احسن لي ..
فتكلمها امها وهي تزيح قدميها قليلا لتجلس بجانبها على السرير : يابتي بقولوا النوم بتقل السعد وبقلل الرزق , كدى العني ابليس وقومي غسلي وشك وتعالي اشربي ليك كباية شاي ..
سعاد وهي تزيح الغطاء قليلا : اها ياامي وبعد غسلت وشي وشربت الشاي اعمل شنو ؟ وبعدين ياحاجة وينو عليك الله السعد اصلا عشان يبقى خفيف ولا تقيل , اخير لي اكون نايمة بدل اقعد اعاين لشهادتي مبروزة ومستفيدة منها الحيطة وكمان اتمغص اكتر وانا بعاين لتاريخ التخرج ..
فتأخذ الحاجة بدرية (والدة سعاد) نفسا طويلا وتتبعه بآهة تحس انها مصحوبة بحرارة : يابتي الصبر حلو وان شاء الله كل شئ بتحل وبكرة تلقي الوظيفة السمحة البتليق بشهادتك ...
سعاد وقد ارتسمت على وجهها ابتسامة تهكم وسخرية : ياحاجة عليك الله ماتعبتي من الاحلام ؟ خمسة سنين وانا منتظرة يوم بكرة يجي , والله بكرة ده لو كان راكب ابو القدح كان وصل ..
فتجيبها والدتها وهي تمسك بكتفها وكأنها تحاول ان تشد من ازرها : يابتي قولي الحمد لله على كل حال , وانتي برضو احسن من غيرك .
سعاد وقد اعتدلت في جلستها وازاحت الغطاء تماما : ونعم بالله ياحبيبة والحمد لله على كل حال , لكن ياامي كمان صعبة علي اني اكون قاعدة كدة .. حاسة بنفسي بقيت عالة عليكم , كفاية انكم اتحملتوا مصاريف الجامعة كلها وحاسة وعارفة كيف انتوا تعبتوا عشان اكمل تعليمي , ماممكن اسه امد يدي برضو واقول ادوني , وشايفة كمان كيف البيت محتاج لي وماقادرة اعمل حاجة , ده مثال بسيط ياحاجة ولو قعدت اعدد ليك لبكرة مابنخلص ..
تجيبها حاجة بدرية بنبرة صوت حنونة : يابتي الحمد لله , وماتقولي عالة يابتي , اشكري الله الحالة مستورة وارجع واقول ليك احنا احسن من غيرنا ..
سعاد وهي تشير بيديها هنا وهناك في المنزل : اسه ياامي عايني بيتنا عفشو قديم كيف , كم سنة عليك الله مااتغير ؟ والتلاجة القلتو عليها انها من ولادتي عاجبك انو كل يوم نشحد تلج من الجيران ؟
حاجة بدرية وهي تهم بالنهوض : دي كلها حاجات مامهة , المهم راحة البال وبرضو نحمد الله , شوفي اسه ناس حاجة صفية الراجل كسب قضية البيت وماشي يطلعهم منو , اسه زي ديل يقبلوا وين عليك الله ؟ احمدي ربك يابتي وابوك الله يرحمه خلى ليكم بيت يلمكم على الاقل , يلا قومي يابتي بستناك في الراكوبة بهناك ..
فنهضت سعاد وهي تقول : الله يرحمه ويجعل مثواه الجنة , خلاص ياحاجة اسه بلحقك ان شاء الله ..
فتكلمها امها وهي تزيح قدميها قليلا لتجلس بجانبها على السرير : يابتي بقولوا النوم بتقل السعد وبقلل الرزق , كدى العني ابليس وقومي غسلي وشك وتعالي اشربي ليك كباية شاي ..
سعاد وهي تزيح الغطاء قليلا : اها ياامي وبعد غسلت وشي وشربت الشاي اعمل شنو ؟ وبعدين ياحاجة وينو عليك الله السعد اصلا عشان يبقى خفيف ولا تقيل , اخير لي اكون نايمة بدل اقعد اعاين لشهادتي مبروزة ومستفيدة منها الحيطة وكمان اتمغص اكتر وانا بعاين لتاريخ التخرج ..
فتأخذ الحاجة بدرية (والدة سعاد) نفسا طويلا وتتبعه بآهة تحس انها مصحوبة بحرارة : يابتي الصبر حلو وان شاء الله كل شئ بتحل وبكرة تلقي الوظيفة السمحة البتليق بشهادتك ...
سعاد وقد ارتسمت على وجهها ابتسامة تهكم وسخرية : ياحاجة عليك الله ماتعبتي من الاحلام ؟ خمسة سنين وانا منتظرة يوم بكرة يجي , والله بكرة ده لو كان راكب ابو القدح كان وصل ..
فتجيبها والدتها وهي تمسك بكتفها وكأنها تحاول ان تشد من ازرها : يابتي قولي الحمد لله على كل حال , وانتي برضو احسن من غيرك .
سعاد وقد اعتدلت في جلستها وازاحت الغطاء تماما : ونعم بالله ياحبيبة والحمد لله على كل حال , لكن ياامي كمان صعبة علي اني اكون قاعدة كدة .. حاسة بنفسي بقيت عالة عليكم , كفاية انكم اتحملتوا مصاريف الجامعة كلها وحاسة وعارفة كيف انتوا تعبتوا عشان اكمل تعليمي , ماممكن اسه امد يدي برضو واقول ادوني , وشايفة كمان كيف البيت محتاج لي وماقادرة اعمل حاجة , ده مثال بسيط ياحاجة ولو قعدت اعدد ليك لبكرة مابنخلص ..
تجيبها حاجة بدرية بنبرة صوت حنونة : يابتي الحمد لله , وماتقولي عالة يابتي , اشكري الله الحالة مستورة وارجع واقول ليك احنا احسن من غيرنا ..
سعاد وهي تشير بيديها هنا وهناك في المنزل : اسه ياامي عايني بيتنا عفشو قديم كيف , كم سنة عليك الله مااتغير ؟ والتلاجة القلتو عليها انها من ولادتي عاجبك انو كل يوم نشحد تلج من الجيران ؟
حاجة بدرية وهي تهم بالنهوض : دي كلها حاجات مامهة , المهم راحة البال وبرضو نحمد الله , شوفي اسه ناس حاجة صفية الراجل كسب قضية البيت وماشي يطلعهم منو , اسه زي ديل يقبلوا وين عليك الله ؟ احمدي ربك يابتي وابوك الله يرحمه خلى ليكم بيت يلمكم على الاقل , يلا قومي يابتي بستناك في الراكوبة بهناك ..
فنهضت سعاد وهي تقول : الله يرحمه ويجعل مثواه الجنة , خلاص ياحاجة اسه بلحقك ان شاء الله ..
نور العين- مدير الموقع
- عدد المساهمات : 904
نقاط : 16223
تاريخ التسجيل : 21/08/2010
- مساهمة رقم 3
رد: ســائــقــة الــتــاكــسـي
الغالية ربيع الدنيا
قصة رائعة جدااا ومشوقة وغير محصورة في اتجاه واحد
واصلي بدون ماتفاصلي
قصة رائعة جدااا ومشوقة وغير محصورة في اتجاه واحد
واصلي بدون ماتفاصلي
ربيع الدنيا- مراقب
عدد المساهمات : 490
نقاط : 15554
تاريخ التسجيل : 10/09/2010
- مساهمة رقم 4
رد: ســائــقــة الــتــاكــسـي
الغالية نور العين
حقيقة الافكار كثيرة في رأسي وحاولت اجمعها مع بعض
واتمنى اني اكون ناجحة ومُوفقة في طريقة تجميعها وسردها
تسلمي عزيزتي على حضورك الراقي بارك الله فيك
واتمنى رأيكم الصريح دائما
حقيقة الافكار كثيرة في رأسي وحاولت اجمعها مع بعض
واتمنى اني اكون ناجحة ومُوفقة في طريقة تجميعها وسردها
تسلمي عزيزتي على حضورك الراقي بارك الله فيك
واتمنى رأيكم الصريح دائما
ربيع الدنيا- مراقب
عدد المساهمات : 490
نقاط : 15554
تاريخ التسجيل : 10/09/2010
- مساهمة رقم 5
رد: ســائــقــة الــتــاكــسـي
في الراكوبة جلست الحاجة بدرية على احد العناقريب من النوع القديم وقد يكون ارتفاعها لا يتعدى شبرا من الارض ... وجالت بفكرها كثيرا وكأن الذاكرة وضعتها في صالة سينمائية مُغلقة واخذت تعرض لها صورا من من حياتهم ... تذكرت كيف تزوجت من حاج احمد وهو ابن عمتها وكيف مضت الايام والسنوات وقد رقهما الله بثلاثة بنات وولدين وكانت سعاد اصغرهم جميعا .. تذكرت رحلة الكفاح التي عاشتها مع زوجها وتوقفت في محطات كثيرة من حياتهم .. كان الاغتراب احدى تلك المحطات حيث احتوتهم السعودية لمدة ثلاث سنوات وهي فترة انتداب الحاج احمد حيث كان يعمل بمحطة الارصاد الجوية .. كانت تلك الايام فيها الخير الكثير وخرجوا منها بهذا المنزل الذي يؤيهم الان ... تذكرت كيف تُوفي زوجها بعد صراع مع المرض لم يدم طويلا ... تذكرت موت ابنهاالمفاجئ الذي خرج منها صباحا بقديمه ثم جاءوا به يطرقون الباب عصرا ليخبروها انه تُوفي بعد ان دعمته سيارة ولكن سائقها فر هاربا ولم يُعرف له مكان ... توالت الذكريات على رأس الحاجة بدرية تباعا ... بين فرح وترح وبين ابتسامة ودمعة .. فسالت دموعها تجري على خدها المنحوت عليه العلامات السودانية (الشلوخ)...
السودان وطنى- نورـي مشارك
عدد المساهمات : 30
نقاط : 15024
تاريخ التسجيل : 26/09/2010
- مساهمة رقم 6
رد: ســائــقــة الــتــاكــسـي
الغاليه ربيع الدنيا
قصه محزنه مع زكريات مريره
روعة القصه الجلسة على العنقريب مع انسان كبير يحكى لك قصة
ولكن كان تكون اجمل عندما تكون القصه تعبر عن واقع غير ذلك
تعبر عن واقع زمان حيث الواقعيه والطيبه والحنيه
قصه محزنه مع زكريات مريره
روعة القصه الجلسة على العنقريب مع انسان كبير يحكى لك قصة
ولكن كان تكون اجمل عندما تكون القصه تعبر عن واقع غير ذلك
تعبر عن واقع زمان حيث الواقعيه والطيبه والحنيه
نور العين- مدير الموقع
- عدد المساهمات : 904
نقاط : 16223
تاريخ التسجيل : 21/08/2010
- مساهمة رقم 7
رد: ســائــقــة الــتــاكــسـي
الغاليه ربيع الدنيا
بجد قصة رائعة جداااا
تفوق القصص الخيالية فهي تلتمس جوانب من الحقائق الطبيعية لمجتمعنا
بانتظار التكملة
بجد قصة رائعة جداااا
تفوق القصص الخيالية فهي تلتمس جوانب من الحقائق الطبيعية لمجتمعنا
بانتظار التكملة
عثمان السعيد- VIP
عدد المساهمات : 879
نقاط : 16050
تاريخ التسجيل : 16/09/2010
الموقع : السعودية .. جدة
- مساهمة رقم 8
رد: ســائــقــة الــتــاكــسـي
لي عودة بمشيئة الله .. وتعليق شامل
ربيع الدنيا- مراقب
عدد المساهمات : 490
نقاط : 15554
تاريخ التسجيل : 10/09/2010
- مساهمة رقم 9
رد: ســائــقــة الــتــاكــسـي
السودان وطنى كتب:الغاليه ربيع الدنيا
قصه محزنه مع زكريات مريره
روعة القصه الجلسة على العنقريب مع انسان كبير يحكى لك قصة
ولكن كان تكون اجمل عندما تكون القصه تعبر عن واقع غير ذلك
تعبر عن واقع زمان حيث الواقعيه والطيبه والحنيه
العزيز السودان وطني
اتشرف كثيرا بوجودكم هنا في صفحتي المتواضعة
في الحقيقة هذه القصة مستوحاة من الواقع .. من معاناة تعانيها الاسر بداخلها .. معاناة الابناء في الوظيفة وفي الحياة العامة ... عندما بدأت كتابتها لم اكتب نهايتها .. تركتها هكذا لتكون الافكار وليدة اللحظة ...
بارك الله فيك اخي على مرورك العطر
نورت الصفحة
ربيع الدنيا- مراقب
عدد المساهمات : 490
نقاط : 15554
تاريخ التسجيل : 10/09/2010
- مساهمة رقم 10
رد: ســائــقــة الــتــاكــسـي
نور العين كتب:الغاليه ربيع الدنيا
بجد قصة رائعة جداااا
تفوق القصص الخيالية فهي تلتمس جوانب من الحقائق الطبيعية لمجتمعنا
بانتظار التكملة
الغالية نور العين
اطمئن كثيرا بوجود حرفك هنا .. فهو يمدني بالقوة لأكتب المزيد
شكرا لأنك هنا عزيزتي بارك الله فيك
ربيع الدنيا- مراقب
عدد المساهمات : 490
نقاط : 15554
تاريخ التسجيل : 10/09/2010
- مساهمة رقم 11
رد: ســائــقــة الــتــاكــسـي
عثمان السعيد كتب:لي عودة بمشيئة الله .. وتعليق شامل
العزيز عثمان السعيد
توقيع حضورك هنا شرف كبير لي
ويعطيني بصيص امل بأن حروفي قد تجد بعض الاستحسان من اصحاب الاقلام الكبيرة
بانتظار عودتك اخي .. بارك الله فيك
ربيع الدنيا- مراقب
عدد المساهمات : 490
نقاط : 15554
تاريخ التسجيل : 10/09/2010
- مساهمة رقم 12
رد: ســائــقــة الــتــاكــسـي
اتى صوت سعاد ليخرج الحاجة بدرية من حلقة الذكريات تلك قائلة : اها ياحاجة جينا نشرب الشاي ..
فمسحت حاجة بدرية دموعها حتى لا تراها سعاد , ولكن سعاد لاحظتها وبادرتها : ياامي انتي بتبكي؟
حاجة بدرية وهي تسكب الشاي : لا يابتي مافي حاجة ..
سعاد وهي تضع يدها على كتف امها : ياامي ماممكن كدة كل يوم , ياغالية الدوام لله انا عارفاك بتبكي على اخوي وابوي وفراقهم صعب جدا علينا لكن نعمل شنو كل شئ بيد الله عز وجل وماغالين على ربهم .. قالتها سعاد وتحس ايضا بأن الدمعة تكاد تفر من عينها ..
فتستغفر الحاجة بدرية قائلة : استغفر الله الشيطان شاطر الله يلعنه كل مرة يوزني , ونعم بالله والحمد لله على كل حال ولا اعتراض على حكمه ..
فتطبع سعاد قبلة على جبين والدتها : دموعك دي عزيزة علينا ولما اشوفها بتعب والله ..
تبتسم حاجة بدرية قليلا قائلة : الله يخليكم لي ومايحرمني منكم واشوف جديدك ياسعاد يابتي واطمن عليك زي اخواتك ..
تستعدل سعاد في جلستها : ايوااا خشينا في الحنك , كدى النشرب الشاي اول لأنه شكلو كدة في كلام في راسك ..
تضحك حاجة بدرية وهي تعطي كوب الشاي لسعاد : في راسي كل الخير يابتي , انا دايرة افرح بيك واشوفك مستقرة قبل اموت يابتي ..
بعد الشر عليك ياست الحبايب بعد عمر طويل ان شاء الله احنا لسه محتاجين ليك .. تقولها سعاد وهي تأخذ الشاي من والدتها ..
فمسحت حاجة بدرية دموعها حتى لا تراها سعاد , ولكن سعاد لاحظتها وبادرتها : ياامي انتي بتبكي؟
حاجة بدرية وهي تسكب الشاي : لا يابتي مافي حاجة ..
سعاد وهي تضع يدها على كتف امها : ياامي ماممكن كدة كل يوم , ياغالية الدوام لله انا عارفاك بتبكي على اخوي وابوي وفراقهم صعب جدا علينا لكن نعمل شنو كل شئ بيد الله عز وجل وماغالين على ربهم .. قالتها سعاد وتحس ايضا بأن الدمعة تكاد تفر من عينها ..
فتستغفر الحاجة بدرية قائلة : استغفر الله الشيطان شاطر الله يلعنه كل مرة يوزني , ونعم بالله والحمد لله على كل حال ولا اعتراض على حكمه ..
فتطبع سعاد قبلة على جبين والدتها : دموعك دي عزيزة علينا ولما اشوفها بتعب والله ..
تبتسم حاجة بدرية قليلا قائلة : الله يخليكم لي ومايحرمني منكم واشوف جديدك ياسعاد يابتي واطمن عليك زي اخواتك ..
تستعدل سعاد في جلستها : ايوااا خشينا في الحنك , كدى النشرب الشاي اول لأنه شكلو كدة في كلام في راسك ..
تضحك حاجة بدرية وهي تعطي كوب الشاي لسعاد : في راسي كل الخير يابتي , انا دايرة افرح بيك واشوفك مستقرة قبل اموت يابتي ..
بعد الشر عليك ياست الحبايب بعد عمر طويل ان شاء الله احنا لسه محتاجين ليك .. تقولها سعاد وهي تأخذ الشاي من والدتها ..
ربيع الدنيا- مراقب
عدد المساهمات : 490
نقاط : 15554
تاريخ التسجيل : 10/09/2010
- مساهمة رقم 13
رد: ســائــقــة الــتــاكــسـي
بعد ان شربت سعاد الشاي اخذت وضع القرفصاء على العنقريب لتكون في مواجهة والدتها : اها ياحاجة شتتي الملقط وارمي بياضك ...
تضحك حاجة بدرية : يابت ده شنو كلام الشماشة ده ؟
تضحك سعاد وتتبع ضحكتها آهة : ياحليل الجامعة , الواحد بقدر يطلع موسوعة عديل كدة من الفاظ الجامعة , كدى ياحاجة قولي الشمار شنو ؟ المرة دي البيعة حتكون وين ؟
حاجة بدرية وهي تستعدل في جلستها : بيعة شنو يابتي ؟ العرس كمان بقى بيع في حساباتكم ؟ بري منكم الجيل الجديده ده
سعاد ضاحكة : اها طيب ياحاجة المشتري قصدي العريس منو ؟
حاجة بدرية : بتعرفي حاج عثمان بتاع السوبر ماركت الفي اول الشارع
سعاد : اي ياحاجة بعرفوا , لكن ياامي بتين اولاده بقوا على العرس ديل لسه اكبرهم في الجامعة ..
حاجة بدرية : لا ماهو قال ......
تقاطعها سعاد وقد فهمت قصد والدتها بأن حاج عثمان يريد خطبتها لنفسه : بالغتي معاي لكن ياامي , انتي قلتيها بنفسك حاااج عثمان , الراجل قدر ابوي اولاده ماشاء الله ..
حاجة بدرية بلهجة استعطاف : يابتي الراجل عيبو جيبه , وهو راجل ماشاء الله قادر ..
سعاد : يعني اهون عليك كدة ياامي ؟ ترميني جنس الرمية دي
حاجة بدرية : رمية شنو ياسعاد ؟ بقول ليك الراجل داير يعرسك على سنة الله ورسوله تقولي لي رمية ؟
سعاد : مابقدر لكن ياحاجة , راجل متزوج مرتين وبأولاده ماشاء الله هو داير يبقى الحاج متولي ولا شنو ؟
حاجة بدرية وهي تستعد للنهوض وقد علمت ان مصير هذه المحاولة كالفشل مثل سابقاتها : انا مابتكلم معاك كتير تعبت منك والله يابتي بكلم اخوك واخواتك يجو يشوفو لي حل معاك ..
سعاد محاولة تهدئة والدتها : ياحاجة ماتزعلي مني لكن والله حاج عثمان دي صعبة شوية ..
خرجت الحاجة بدرية بغضب وهي تهمهم بكلمات غير مسموعة ولكن سعاد ايقنت تماما انها تردد "البت دي اكيد عندها عارض" لأن هذا ماكانت تردده دائما عندما كانت سعاد تصد من يتقدمون لها..
فنهضت سعاد وتوجهت ناحية الصالة ففكرت ان تشاهد التلفاز قليلا ..
تضحك حاجة بدرية : يابت ده شنو كلام الشماشة ده ؟
تضحك سعاد وتتبع ضحكتها آهة : ياحليل الجامعة , الواحد بقدر يطلع موسوعة عديل كدة من الفاظ الجامعة , كدى ياحاجة قولي الشمار شنو ؟ المرة دي البيعة حتكون وين ؟
حاجة بدرية وهي تستعدل في جلستها : بيعة شنو يابتي ؟ العرس كمان بقى بيع في حساباتكم ؟ بري منكم الجيل الجديده ده
سعاد ضاحكة : اها طيب ياحاجة المشتري قصدي العريس منو ؟
حاجة بدرية : بتعرفي حاج عثمان بتاع السوبر ماركت الفي اول الشارع
سعاد : اي ياحاجة بعرفوا , لكن ياامي بتين اولاده بقوا على العرس ديل لسه اكبرهم في الجامعة ..
حاجة بدرية : لا ماهو قال ......
تقاطعها سعاد وقد فهمت قصد والدتها بأن حاج عثمان يريد خطبتها لنفسه : بالغتي معاي لكن ياامي , انتي قلتيها بنفسك حاااج عثمان , الراجل قدر ابوي اولاده ماشاء الله ..
حاجة بدرية بلهجة استعطاف : يابتي الراجل عيبو جيبه , وهو راجل ماشاء الله قادر ..
سعاد : يعني اهون عليك كدة ياامي ؟ ترميني جنس الرمية دي
حاجة بدرية : رمية شنو ياسعاد ؟ بقول ليك الراجل داير يعرسك على سنة الله ورسوله تقولي لي رمية ؟
سعاد : مابقدر لكن ياحاجة , راجل متزوج مرتين وبأولاده ماشاء الله هو داير يبقى الحاج متولي ولا شنو ؟
حاجة بدرية وهي تستعد للنهوض وقد علمت ان مصير هذه المحاولة كالفشل مثل سابقاتها : انا مابتكلم معاك كتير تعبت منك والله يابتي بكلم اخوك واخواتك يجو يشوفو لي حل معاك ..
سعاد محاولة تهدئة والدتها : ياحاجة ماتزعلي مني لكن والله حاج عثمان دي صعبة شوية ..
خرجت الحاجة بدرية بغضب وهي تهمهم بكلمات غير مسموعة ولكن سعاد ايقنت تماما انها تردد "البت دي اكيد عندها عارض" لأن هذا ماكانت تردده دائما عندما كانت سعاد تصد من يتقدمون لها..
فنهضت سعاد وتوجهت ناحية الصالة ففكرت ان تشاهد التلفاز قليلا ..
عثمان السعيد- VIP
عدد المساهمات : 879
نقاط : 16050
تاريخ التسجيل : 16/09/2010
الموقع : السعودية .. جدة
- مساهمة رقم 14
رد: ســائــقــة الــتــاكــسـي
ربيع الدنيا كتب:عثمان السعيد كتب:لي عودة بمشيئة الله .. وتعليق شامل
العزيز عثمان السعيد
توقيع حضورك هنا شرف كبير لي
ويعطيني بصيص امل بأن حروفي قد تجد بعض الاستحسان من اصحاب الاقلام الكبيرة
بانتظار عودتك اخي .. بارك الله فيك
ربيع الدنيا .. تحية واحتراما .. ويا هلا ويا مرحبا .. وصباح الخير .. تواجدي ليس توقيع حضور .. وليس من باب المجاملة .. إنما تابعت القصة بإهتمام في المرة الأولى .. وعرفت أن البقية في العدد القادم .. وانتظرت العدد القادم .. ووجدت كذلك أن فصول القصة مستمرة .. لذلك قلت لك لي عودة .. وتعليق شامل .. وقبل أن يأتي التعليق الشامل .. أقول لك بقليل من الجهد سوف نستمتع معك بالكثير من القصص القصيرة الرائعة .. ولك كل الود والتقدير ..
نور العين- مدير الموقع
- عدد المساهمات : 904
نقاط : 16223
تاريخ التسجيل : 21/08/2010
- مساهمة رقم 15
رد: ســائــقــة الــتــاكــسـي
فارق كبير مابين تفكيرالأم والبنت وذلك يوضح فعلاا فارق بين السن
الغالية ربيع الدنيا
بانتظار بقية الروعة
الغالية ربيع الدنيا
بانتظار بقية الروعة
nazarking2874- مشرفين
عدد المساهمات : 113
نقاط : 15011
تاريخ التسجيل : 29/10/2010
العمر : 42
الموقع : السودان- الخرطوم
- مساهمة رقم 16
رد: ســائــقــة الــتــاكــسـي
[الاخت ربيع الدنيا
القصه جميله ومعبره عن صدق المعني والكلمه
ودمتي بخير
nazarking
القصه جميله ومعبره عن صدق المعني والكلمه
ودمتي بخير
nazarking
معمر الطريفي- مشرفين
عدد المساهمات : 111
نقاط : 15095
تاريخ التسجيل : 12/10/2010
العمر : 43
الموقع : الرياض
- مساهمة رقم 17
رد: ســائــقــة الــتــاكــسـي
بالجد قصه روعه ومن واقع معاش
وتجذب القاري لمعرفة نهاية الحوار
ننتظر تكملة الحوار بين سعاد واخوانها
وفقك الله اخت ربيع الدنيا ومزيد من
التقدم والازدهار
وتجذب القاري لمعرفة نهاية الحوار
ننتظر تكملة الحوار بين سعاد واخوانها
وفقك الله اخت ربيع الدنيا ومزيد من
التقدم والازدهار