منتدى نور


عزيزي الزائر / عزيزتي الزائرة
يرجي التكرم بتسجبل الدخول اذا كنت عضو معنا

او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
وشكرا

ساحة للحوارات العامة والفن التشكيلي والجديد في عالم الطب والمعرفة


    زوله من داك الزمن

    شاطر
    avatar
    معمر الطريفي
    مشرفين
    مشرفين



    عدد المساهمات : 111
    نقاط : 8612
    تاريخ التسجيل : 12/10/2010
    العمر : 37
    الموقع : الرياض

    زوله من داك الزمن

    مُساهمة من طرف معمر الطريفي في السبت نوفمبر 27, 2010 7:11 am

    يا زوله من داك الزمن

    وريني كيف يومك بمش

    احكي لي أخبارك

    وتصاريف الزمن

    صارحيني بالأحوال معاك

    لسة بس حزنك معاك

    ومتوسد الحجر القديم

    بلي شوقي

    ونسيني

    مشتاق كتير

    لي وشيش حنين

    مطبوع عليوا بسمات قدام

    وبعض احزان من زمن

    الحال مشي

    ولا الحال وقف

    الكون بكاء

    هل الغيوم دفنت صفاءك

    ام مسامك خدرت وجع

    لسة دربك بس عديل ؟

    وخاته كل الكون وراك

    يا الله

    استغفرك

    ولي القبلة رفعت ايدي

    وتوجهتي لي رب الناس

    واشيل واقول

    ذلل صعاب

    اشفي المريض

    زيد العمر

    اغفر ذنب

    وطول صبر

    ممدود سنين

    علي البلاء

    علي الفقر

    علي العزاب

    علي الضنك

    يا زولة من داك الزمان

    وريني كيف حال البحر

    والاهل معاك

    والجيران والاصحاب

    والبيوت الصبحت خراب

    جالوص قديم

    وباب خشب

    وعرش زنكي في كم مرق

    باب الحديد ليو سنين ما اتفتح

    ما دقا زول في عيد او فرح

    او شافع مرسل لي غرد

    فريق اولاد بدر

    اصبح خراب

    بعد ود السر غرق

    وماتت سعاد في يوم ولادة إبراهيم ود حمد

    شالوا العيال وكرهوا الديار

    نحس ومرض وكمان فقر

    صبح النسيم كايس بشر

    اشموا فيهو ريحة الدعاش

    والطين المبلل بالمطر

    اولاد بدر

    هجرو الديار سابوا البلد

    ركبوا الزلط

    مشوا

    بلد الغناء و الفقر

    كايسين قروش

    وحقنة ملاريا

    ومدرسة

    وبيت ايجار جنب البحر

    ال ود بدر

    سبحة فقير اتشتت

    ناس في الغرب

    ناس في الشرق

    ناس في الجنوب

    ناس في الجروف

    ناس في الجبل

    وبقوا اصحاب ما اهل

    والكل بجري في اتجاه

    كايس رزق

    كايس شغل

    وبيت حلال

    اوضة وسرير

    وزير صغير

    ودكان ادينوا لي اخر الشهر



    يازولة من داك الزمان

    من اولاد بدر

    خلوا البلد

    كل الجروف صبحت يباس

    كل الحروف مسيت طشاش

    يوم اولاد بدر خلوا البلد

    يوما اسود زي السكن

    مافي جاهلا ما بكاء

    ما في شيخا ما دمع



    يا زولة من داك الزمن

    شوفي الفضل

    ذكري الاهل

    وحزن الحبيب

    حزن الحبيب

    الليوا سنيت ما اتصل

    او رسل جواب

    او ساكت سال

    صبحن الدمعات يباس

    ولون الكفن

    وريحة الحنوط

    عابكه في بيت ود بدر

    وصورة النسوان تسكل

    بي وراءك

    جاهلة وصغيره

    بيت سعاد

    حنية واميرة وسكره

    وجريد نخل

    مختوت علي شاهد قبر

    مكتوب عليوا

    (زولة من داك الزمان )



    هو الباقي من كل الزمن

    نرجي القدر

    ونمد الصبر

    وننسي الحصل

    امكن بعد كم سنة

    ارجعوا ولاد ود بدر

    وترجع فرحة بلد

    بي حبابيب من سفر

    امكن بعد

    ليل الوجع

    وسكة سفر

    اطلع صبح

    يمحي الحصل

    امكن

    وتمتد الرؤيا بعد الرؤيا الي الابد
    [b]

      الوقت/التاريخ الآن هو الثلاثاء يونيو 19, 2018 10:55 am